أنا ماهمنـي حزني ولاني للفـرح مشـتاق
لكن
ليه يادنيـا اذا بضحك تبكيني ؟!

.


الســلام عليكم ورحمــة الله وبركااتهh14 صبــاح \ مسـاء الخير
وشلوونكمـ .. ان شـاء الله تمــاام







الكـل منا تواجهه مشـاكل و مصـاعب فيه هذه الحيـاة
و لكل منـا أيضـاً له طريقه ليعبر فيهـا عن مابداخله ..
فالرسـام قد يرسـم صورا ً حزينه ليحسسنا عما يجول في نفسه
والشـاعر قد ينقل اليـنا حسه بقصيدة يروي فيهـا أحـداث قصته
سـواء أكانت قصـة خيانه أو فـراق أو غـدر أو ماشابهه
( واليوم ياحلوين جمعت لكم كم قصـة من اللي قدرت عليها ) << خربت أم المقدمه :


.. .. ..


بتكلم عن الأغـااني اللي كتبت على أســااس قصه واقعيه حصلت ..
بالنسبه لي هالأغاني أدخل فيها جو أكثر من الأغااني العاديه
لأني أحس ان كل حرف مكتوب في هالأغنيه كان يقصد فيه الشاعر شي وله ألف معنى ومعنى :والأغاني من هالنوعيــه كثيره .. حاولت أجيب اللي أعرفه .. ،









.. |||||| ..











أولهم الأغنيه اللي فازت بأفضل أغنيه عربيه لعام 1996 - 1997
على التوالي وهي أغنــية

لا تلوح للمسافر المسافر راح

ولاتنادي للمسافر المسافر راح
ياضياع أصواتنا في المدى والريح
القطار وفاتناوالمسافر راح ..
يالله " ياقلبــ ـي " تعبنا من الوقوف
مابقى لليل نجمه ولاطيوف
ذبلت أنوار الشوارع وانطفى ضي الحروف ..!!
يالله " ياقلبــ ـي " سرينا
ضاقت الدنيا علينا
القطار وفاتنا والمسافر راااح ..
مدري باكر هالمدينة وش تكون .. ؟!
النهار والورد الأصفر والغصون
هذا وجهك يالمسافر لماكانت لي عيون ..
وينها عيونـي حبيبي
سافرت مثلك حبيبي ..
القطار وفاتنا والمسافر راااح ..!!


.. \ ..


قصـة الأغنيـ’ـة :

ان ولد يحب بنت عمــه ويبيها ونفس الشي هي تبيه ، راح الولد
خطبها من أبوها اللي هو عمــه لكن العم رفض ..!!
البنت من شدة حزنهــاا جاها المرض الخبيث
فقرر أبوهــاا انه يسفرها برى للعلااج .. لكن البنت رفضت هالشي
لأن الحياة ما عادت تهمها بعد رفض أبوها زواجها من ولد عمها !
يوم شاف أبوها بنته بهالحاله .. قالها روحي عالجي ولو تشافيتي ان شاء الله بزوجك ولد عمك ..
وبعدها وافقت البنت وراحت تعالج برى
وهي بطريقها في الطيــارة ماتت !! يوم وصل الخبر لولد عمهــاا
بكى ومن شدة بكاه فقد بصره ..!!

عقب ما عرف الشــاعر " بدر بن عبد المحسـن "
كتب هالقصه .. أبدع فيهااا ووصف حالة الشاب
وخلانا نستمع للقصيدة وكأننا نشوف المشهد أمام عيونا ..
وكمل لنا " راشد الماجد " بصوته و احساسه الرااقي
اللي اجبرنا ندخل جو ونبكي كل ما سمعنــاا هالأغنيه ..
فظهرت لنا الأغنيه الرائعــه


.. " المســافـر " ..











.. |||||| ..












يا ليلى كثيرا ما يسألوني ما دامت قد رفضتك
لماذا لا تبحث عن واحده اخرى؟؟
أتدرين ما كنت اقول لهم ؟
لا بئس ان " أشنـق " مرتين
لا بئس ان " أمـووت " مرتين
ولكني وبكل ما يجيده الاطفال من اصرار
ارفض ان " أحـب " مرتين
دع عنك لومي واعزف عن ملامات
اني هويت سريعا من معاناتي
ديني الغرام ودار العشق مملكتي
قيس انا وكتاب العشق توراتي
ما حرم الله " حبــا " في شريعته
بل بارك الله احلامي البريئات
انا لمن طينه والله اودعها
روحا ترف بها " روح " المناجاة
دع العقاب ولا تعذل بفاتنه
ما كان قلبي " نحيت " في حجارات
اني بغير الهوى اخشاب يابسه
اني بغير الهوى اشباه اموات
يا للتعاسه من دعوى مدينتنا
فيها يعد الهوى كبر الخطيئات
نبض " القـلوب " مورق عند قداستها
تسمع احاديث الخرافات
عباره علقت في كل منعطف
اعوذ بالله من تلك الحماقات
عشق البنات حـرام في مدينتنا
عشق البنات طريق للغوايات
اياك ان تلتقي يوما بأمرأه
اياك اياك ان تغزي الحبيبات
ان الصبابه عار في مدينتنا
فكيف لو كان " حبـي " للاميرات
..
من لي بحذف اسمك الشفاف من لغتي
اذ ا ستمسي بلا ليلـى حكاياتي .. ،

الأغنية أو القصيــده طويله .. حطيت أولها و آخر بيت


.. \ ..


قصـة الأغنيـ’ـة :

كان الشاعر يدرس في أحد الكليات .. وتعلق قبـاه بفتاة
بعد فتره صارحها بحبه لها .. وبعدها بدت الفتاة تصد عنه
حاول معها أكثر من مرة ولكن في كل مرة يزيد رفضها له
بعدها سمع الشاعر خبر بأن الفتاة انخطبت من أحد
الطلااب في نفس الكلية وكان من أغنياء الطلبه والشاعر من أحد الأسر الفقيره
فما استطاع الا ان يشكي همه بالكتابه
الشـاعر : حسن المراوني أستطاع او يوصل لنا ماكان في قلبه
و أتى من بعده " كاظم السـاهر " ليكمل المشوار
فظهرت لنا أغنيــة

.. " أنــا وليلـى " ..








.. |||||| ..








يامال فرقا العين كان احجزوني
تضيق بي الدنيا وانا مواعد احباب
يوم " الخميـس " الي يجي واعدوني
احبابي الي دونهم ترخص ارقاب
كافي مضت ايام فيها افقدوني
عقب القهر مشتاق و " الشـووق " غلاب
يالعنبو هالشوق جرح عيوني
دمعٍ اهله مادروا فيها الاصحاب
لاجيت ابرقد هيضتني شجوني ..
تاخذني الذكرى على ذيك الاهداب
وان جتني الذكرى تجيني جنوني
اسهر و " طيفــه " داخل العين ماغاب
ياعاذلين القلب لا تعذلوني
الحب ماحشم طويلين الاشناب
واكبر قهر يازين لا فلسوني
والحال ضابطها على طلعة الباب

يالعنبو هالـ " شوق " جرح عيوني
دمعٍ اهله مادروا فيها الاصحاب ..














.. \ ..




أن هناك شاب وسيم طويل القامـه كان يحب فـتـااة كأنهــا القمر
<< عشان تدخلون جو والا أنـا ما قد شفتهم !! :evil:
لا الجد انه فيه اثنين يحبون بعض .. مادري بينهم صلـة قرابه والا لأ
بس احساسي يقول انهم يعرفون بعض عن طريق شي ثاني..
و المعرفه اللي بينهم كانت مجرد صداقه ومع الأيام تحولت لحب
في يوم من الأيام دقت البنت على الولد وقالت له انها بتســاافر يوم الخمـيس وتبي تشوفه لاازم ..
لأنها ما تدري لو راحت هنـاك يمكن تنقطع عنـه ..!!
الولد قال خـلااص يوم الخميس ان شاء الله بجي أشوفك
ويوم جا يوم الأربعــااء الولد انحرم من الطلعه نسيت أقولكم ..
الولد يدرس في العسكريه ومادري وش سوى وعطوه حرمـاان
ولا قدر يطلع الأربعاء ولا الخمـيس .. !!
وراحت البنت وسـافرت ، والولد ضـااق صدره وبكى عليهاا
الين حس ان جفونه مثل الجمر وكتب هالأبيات ومن بعدهــا جا
" يوسف شـافي " وغنــاهاا بصوته الحزين
* سمعــت أن يوسف شافي سارق الكلمات بدون أذن صاحب الشعر
بس مدري المعلومه صح والا غلـط ..


.. " يامال فرقا العيـن " ..











.. |||||| ..





الله إلي راد والعقدة قضاها إلي عقدها
لا على الدنيا سلام ولا لباقي لعمر زينة
الفضى ما كنه إلا خيمة طاحت عمدها
والفرح ما كنه إلا شيخ انقصت إيدينه
والعمر قطعة زجاج إنكسرت ولا طال أمدها
والعرب في العيد " دمـوع " اليتامى مستهينة
والشوارع لفها ثوب الظلام إلي حقدهاا
والبيوت أطلال من عقب " المحبـة " والسكينة
والشتى والليل والبرد وسما يصرخ رعدها
والعيون إلي ورى الشباك مذعورة حزينة
طولو في الكهف الأصحاب وبقت " روح " وحدها
كنها في كوكب ثاني خلّى من ساكنينه
الوداع إلي بعلم العين يعبر من رمدها
والوداع إلي بلا علم القفص صدري غبينه
والوداع إلي بلا رجعة على أيام رودها
والله إنه غرغرة سم وسكاكين سنينه
و " العنـود " إلي جفيت الناس والدنيا بعدها
مدت الفرقى لغاليها وهي تعطي الثمينة
وينها كيف إتركتني ليه ما جت في وعدها .. ..؟!
والقمر لا طل خابرها تجي بيني وبينه
رحت أنادي وأتلمس في مهب الريح قدها
كني حصان بلا صاحب طوى البيدى حنينه
رحت أصيح الصبح وينه والعرب ما رد أحدها
ما سمعت إلا صدى صوتي يقول الصبح وينه
كلهم من يوم ذيك الشمس غابت عن بلدها
طلعوني في النفوذ وصكو أبواب المدينة
كلهم من يوم ذيك " الذاهبـة " محدن وجدها
كل رجال من الشرهة زرع في الدرب عينه
أثرها ماتت و " مـاتت " كل فرحة في مهدها
والربيع إقفت به إلي كانت تداجل جبينه
جاورت عقب الحدايق حفرة مقسى لحدها
حفرة ماني مصدق كيف ضمت " ياسميــنه " ..!
للحزن فيني مثل ما للطهارة في جسدها
ويش أسوي لا فتشت إلي لها وسط الخزينة
زخرفت حلم وبنت له مسكن وسمت ولدها
آآآهـ لو غرت ولدها في خميلة والدينه
عاهدتني وإظفرت بيمين أقوى من عهدها
والصبي لا خير فيه إن كان ما نفذ يمينه
ما تدقى عن " رثاهـا " عرقن متقض بشهدها
ولا تدقاا خلف قضبان الجفن عذرى سجينة
كيف عند العالم أيام العزى محصى عددها
ولا أنا طالت شهوره والله أعلم كم سنينه
لا الثرى فيها نبات ولا المشي خفف نكدها
لا السمى فيها طيور ولا البحر يمه سفينة
لا القمر هذا مساه ولا العصي هذا رغدها
لا الزهر هذا " شـذاه " ولا الذهب هذا رنينه
قالّو الشيخ الفلاني مرجع القوم وسندها
قالي إبشر بالعوض والعلم جينا ناقلينه
ساق لك بدر " البـدور " إلي نشدها من نشدها
قادرن هزت عروش وخيبت روس ذهينة
قسمها في رسمها في جسمها إلا في رشدها
وإسمها إن جا للغضب قومه على الألسن رطينه
إترك الناي وعطي لشيخنا غنى لسعدها
وإنبسط يا عم وإنسى إلي ورى التربة " دفيــنه "
قلت وبصدري تناهيدن تروى من " شهدهـا "
آآآآهـ واويلاه من يجذب على قلّبي ظنينه
خلّو أغلى ذاهبة ترعى ربيع إلي فقدها
والعطى راعيه محدن صوبه الله لا يهينه
ولو ضمنت الجنة تفاحة " القلـب " وشهدها
قلت من بكرة عسى مجنونها تاقف سنينه ..!

.. \ ..


قصـة الأغنيـ’ـة :

كان فيه زوجيـن يحبون بعض حب موووش طبيعي ..
( عقبالكم يارب ) ..::جا يوم وسمع الزوج بخبر وفــااة زوجـته ..!!
أصــاابه حزن شديد وبدى يرثي زوجـته ويتذكر كـلامهاا
ويوصف كل شي بدونها ..،
ماعرف لمين حصلت القصـه بالظبط .. بس اللي أعرفه ان
" نـاصر القحـطاني " كتب هالكلمات المعبره وجا " خـالد عبد الرحمن "
واكمل الرائعـــه فظهرت لنـــاا ..


.. " الذاهبـة " ..












.. |||||| ..







لي " بنت عم " ماوطت درب الادناس
ولادنست يوم النساء يدنسني
ضربتها وانا احسب الضرب نوماس
طلقتها يوم افخت العقل مني
ياناس كيف العين تبكي على ناس
وكيف " العيـون " بلا رمد يسهرني
لو ينشكي حبي على ذيب لاخماس
يسرح مع الطليان مايجفلني
ولو ينشكي حبي على " الطيـر " قرناس
اضحى " الضحـى " بمويكره مستكني
ولو ينشكي حبي على قب الافراس
عين نهار الكون لايفزعني
ولو ينشكي حبي على الميت ماناس
يثور من بين النصايب يوني
ولو البيوت مشددينه بالامراس
عين مع الخفرات لاينبنني
وحتى النجوم اللي مع الليل غلاس
لو ينشكي " حبـه " لهن وقفني
..
دار بدار ولامناخات الانجاس
ياصار مايمناك عينك تزني
في بلدة الغراف من جملة الناس
ولا نيب من يرجي " الخـلايق " تحني
دار به الاكرام والطيب به ساس
دايم تذكرني " ليـال " مضني



.. \ ..



قصـة الأغنيـ’ـة :

تحكي القصيده عن شخص تزوج بنت عمـه
وكانوا عايشين مع بعض حيــاة حلوه
النسـاء في ذلك الوقت يذهبون للبئر ( يروون ) منه الماء
وكانت تذهب هذه المرأة مع مجموعه من نساء قبيلتها
وفي مرة أتى قطاع الطرق فطلبوا أن يقبلوا تلك النساء جميعهم استسلموا الا هي
رفضت فقام احدهم بشق قربتها وخوفا من الفضيحه قامت نساء تلك القبيله باشاعة ان تلك المرأة قد مكنته من نفسها
وعندما عرف الشاعر بذلك طلق زوجته ..
وبعد مده جاء قاطع الطريق واعترف بالحقيقه وبين للشاعر الأمر
فرجع الشاعر الى عمه وطلب منه استرجاع زوجته فرفض العم
وبعد سماعه لهذه القصيدة زوج ارجع ابنته لزوجـهاا
اشتهرت هذه القصه قديمــاا ..
التي كانت من كلمات الشاعر : شرعاان بن فهيد
ثم أتى راشد الماجد الذي لم يتجاوز الرابعه عشر من عمره حينها
فتغنى بها فظهرت لنا تلك الأغنية الراسخه في الأذهااان ..



.. " لي بنت عـم " ..












.. |||||| ..











" البارحـه " يـوم الخلايق نيـاما
بيحت من كثر " البكـا " كل مكنون
قمت اتوجد وانثر الماء على ما
من موق عين دمعها كان مخزون
ولي " ونـة " من سمعها مايناما
كني صويب بين الاضلاع مطعون
وإلا كما " ونت " كسير السلاما
خلوه ربعه للمعادين مديون
في " سـاعه " قل الرجا والمحاما
في ما يطلع يومهم عنه يقفون
وإلا كما " ونـت " راعبية حماما
غاد ذكرها والقوانيص يرمون
تسمع لها بين الجرايد حطاما
واصبر كما يصبر على الحبس مسجون
عليه مني كل يوم سلاما
عدة حجيج البيت واللي يطوفون
وصلوا على سيد جميع الاناما
على" النـبي " يللي حضرتوا تصلون




ما كتبت الأغنـيه كلهـا ..

* ياكثر " ونـاته " الله يهديــه


.. \ ..


قصـة الأغنيـ’ـة :

حصلت القصه مع الشاعر " نمـر بن عدوان "
كان متزوج وعنده ولدين وعايش حيااة
وفي آخر يوم من رمضــان سـأل نمر زوجته اذا كانت اسقت الفرس والا لأ .. هي قالت له أيه خاايفه منه
.. وقالت بنفسها لو رجع ينام بروح أسقي الفرس ..
في نص الليل قامت الزوجــه عشان تدخل الفرس
وحس نمر بصوت وقام من نومه و أخذ البندقيه و أطلق النار
ورجع كمل نوومــه .. يوم قام يوم العيــد شاف زوجــته طايحه
و اكتشف انه هي اللي كانت امس يحسبها حراامي ..
و عاش أول يوم عيد بدون زوجتــه
القصيــده قديمه كتبها الشاعر نمر وجا " راشد المـاجد "
وغنى القصيــده " ولو ان صوته كان مش ولا بد " ...!
فظهرت لنــا أغنيــة



.. " البــارحة " ..












.. |||||| ..









" سألوني الناس " عنك يا حبيبي
كتبوا المكاتيب و أخدها الهوا
بيعز عليي غني " ياحبيبي "
و لأول مرة ما منكون سوا
سألوني الناس عنك سألوني
قلتلن راجع أوعى تلوموني
غمضت " عيونـي " خوفي للناس
يشوفوك مخبى بعيوني
و هب " الهـوي " و ما كان الهوى
لأول مرة ما منكون سوا
طل من " اللـيل " قلي ضويلي
لاقاني الليل و طفى قناديلي
و لا تسأليني كيف إستهديت
كان " قلـبي " لعندك دليلي
و اللي إكتوى " بالشـوق " إكتوى
لأول مرة ما منكون سوا ..


.. \ ..


قصـة الأغنيـ’ـة :

تعرض عاصي زوج فيروز لأزمه صحيه وكانت أول مرة تعمل فيها فيروز
بدون حضور عاصـي فغنت له فيروز " سـألوني الناس "
فغنت فيروز وعبرت عن شوقها له وللغنـاء معه ..،
و تعاونت هالمرة مع أبنها ( زيــاد ) الذي لحـّن لها الاغنيه
وبعدهــا أصدرت أغنـية


.. " ســألوني الناس " ..






















.. |||||| ..








يوم أقبلت صوت لها جرحي القديم
يوم أقبلت طرنا لها أنا وشوقي والنسيم
وعيونهـاا .. آآآآهـ
عين المحتني واشهقت
و عيــن أحضنت عيني وبكت
يا فرحتي
الحظ الليلة كريم
محبوبتي معزومة من ضمن المعازيم
في زحمة الناس صعبة حالتي
فجأة أختلف لوني وضاعت خطوتــي
مثلي اوقفت تلمس جروحـي وحيرتي
بعيد اوقفت وانا بعيد بلهفتي
ما حد عرف شاللي حصل
وما حد لمس مثلي الأمــل
كل ابتسامة مهاجرة جات رجعت لشفتي
كل الدروب الضائعة مني تنادي خطوتي
ويا رحلة الغربـه وداعا رحلتي يا فرحتي
الحظ الليلة كريم
محبوبتي معزومة من ضمن المعازيم
يا . عيــون الكوون غضي بالنظر
اتركينا اثنين .. عين تحكي لعين
اتركينا الشوق .. ما خلى حذر
بلا خوف بنلتقي .. وبلا حيرة بنلتقي
بلتقي بعيونها وعيونها أحلى " وطــن " وكل الآمان
كل ابتسامة مهاجرة جات رجعت لشفتي
كل الدروب الضايعة مني تنادي خطوتــي
ويا رحلة الغربة وداعا رحلتي يا فرحتي
الحظ الليلة كريم
محبوبتي معزومة من ضمن المعازيم ..

.. \ ..

قصـة الأغنيـ’ـة :

تحكي الأغنية ان فيه بنت عايشه مع امها واختها ولد خالها وخالها اللي كان لها بمثابة الأب بعد ما توفي أبوهـاا ..
نجحت البنت وجا الصيف وقرروا امها وخالها انهم يصيفون
بمصر لكن " بسمــه " << بطلة القصه
واختها منيره كانوا رافضين هالسفره
بحجه انه حر وصيف الناس تروح أماكن بارده وانتوا تروحون مصر ؟!!
ما كانت بسمه عارفه ان هالسفره بتغير مجرى حياتها !
المهم جا يوم سفرهم وركبت منيره جمب أحمد ولد خالها والأم مع الخال
وبسمه كالعاده كانت في كل مرة تتخيل انه بيجي واحد جمبها وبتسوي معه قصة حب
لكنها في كل مرة يخيب ظنها ..
وصلت العائله لمصر وراح الخال والأم ينامون من بعد التعب ومنيره مع أحمد كالعـاده !!
أمـا بسمه فقالت أنـا بروح استكشف المكان وع الطريق بروح لأقرب مقهى " انتر نت "
راحت بسمه ومن شارع لشارع وبالأخير استوعبت انها ضااعــت !! راحت تدور بشنطتها
فلوس عشان تركب لها اي تكسي وترجع بس صارت توها ما صرفت الريالات لجنيهات
بدت تتلفت وحست بصوت من وراها !!

- ضــايعه ؟
- ايــه
- طيب وين ساكنه ؟
- في الهلتون
- اي واحد ؟
- اممم مدري بس اللي عند سوق ....
- اهــاا أنـا ساكن هناك تعالي وراي ..
وراحت بسمــه ووصلها .. ومن بكره الصبح شافته عند الفطور وصارت كل يوم تشوفه
بسمه تعودت عليه وصارت شبه تشتـاق له
ومرة من المرات جا الولد وكلم بسمه لكنها ردت عليه بدون ما تعطيه فرصه يحكي وراحت !!
بعدها صار كل يوم يسوي نفس الشي يقولها كلمه ويروح
لكن هالمرة واعدها بمقهى وراحت هي كانت متردده بس الفضول جبرها تروح هناك تشوف وش كان يبي منها ؟
راحت بسـمه وبدى الولد يحكي عنه وعن عائلته
كان بدر أكبر أخوانه وعنده أضواء و سارة وحمـودي .. أصغر اخوانه ،
مضت هالليله على خير .. بسمـه قالت لأختها منيره عن كل اللي صار
وبعدها بيوم شافت بدر وكلمها وبدى يسولف وقالت له انها بترجع الرياض بعد 3 أيــام !!
كمل بدر سوالفه وبعدها استاذنت بسمـه وراحت
ومن عقبها معاد شافته كانت تحتريه كل هالأيام ! ليه وكيف اختفى فجـأه كذا !!
معقوله نساني لالا أكيد صار له شي والا منعته الظروف
أصـلا ً ما يمديه ينسى .. كان هذا حال بسمه كل هـ " 3 " أيـام ..
وبعدها جا اليوم اللي لازم تروح فيه بسمه للمطار وترجع للرياض
كانت لآخر لحظه عندها أمل انها تشوفه بس للأسف ركبت
بسمـه الطيارة وهي ماشافته .. !
وكالعاده الأم والخال ومنيره وأحمـد و بسمـه كانت محد جمبها بس هالمرة ما كانت تحتري أحد يجلس جمبها
كانت تتخيل " بــدر " يجي جمبها وفعـلا ً سمعت صوت بدر " أجـل ناويه تروحين وتخليني ؟ "
تفاجـأت ..!! بــدر ؟؟؟ ..
بس جا أحمد ولد خالها وكأي شاب سعودي ملقوف
قال أحمد بسمـه بدلي أماكن !!
" لو انه جايه بنت وجالسه جمبه كان استانس بس اذا عشانك سعوديه تجلسين جمب اختك وانتي حماره !! "
<< خارج عن النص ( عذرا ع الألفاظ السوقيه ) << ياحركات تطورت خخخ
المهم نكمل لكم بعدها عصبت بسمـه وبدت تسب في أحمد ومنيره تسمع ومقدره الوضع وتحاول تهديها
كانت بسمه تحاول تلمح بدر باي طريقه لأنها المرة الأخيره اللي بتشوفه !
وبعد لحظات هبطت الطيارة وتغطت بسمـه " عشان ما يشوفونها السعوديين .. !"
وصلت الرياض ومضت على هالسالفه شهور لكن بسمـه كانت بكل يوم تتخيل انها بتشوف بدر
وكعاده اي طالبه جامعيه قبل تروح للجامعه والدوام والكرف تحتاج انها تشرب قهوة تروق فيها شوي !!
كانت بسمـه رايحه هي وريم مع بعض ومرو مقهى وهي بالسيارة صرخت بسمه !!
ريــم ريــم هذااا بدر !!
ريم : بدر مين ؟
بسمـه : بدر عبد الله اللي قلت لك عنه ! وش فيك نسيتي ؟
بسمـه بدون شعور راحت تفتح باب السياره ( اظاهر تحسب انها بمصر !! ) [

قالت ريم وش فيك انتي انهبلتي وش بيقولون الناس اركدي وبلا حركات مبزره !!
بسمـه فكرت بالحركه !! وفعـلا تراجعت ..
ووصلوا الجامعه وسوالف وحكي بنات وقالت " غاده " صديقتهم انا عازمتكم في بيتي يوم ....
جا اليوم الموعود وراحت ريم و بسمه
وكانت هناك بنت خالة غاده " ســاره " كانت بسمه تسولف معها وجا ولد صغير قالت ساره :
بسمه شوفي هذا اخوي " حمـودي " ..
قالت بسمـه انتي ما عندك الا هالأخو ؟ قالت ساره لا عندي أضواء وبـدر
بسمـه لفت على ريم وقالت لها ريم !! هذي اخته اخت بدر !!
بدر اللي بمصر انا متاكده هذي اخته !!
بسمـه : ساره بدر أكبر اخوانك ؟
ضحكت سارة ولفت على غاده وقالت ايه اكبرنا بدر
ريم استغربت هالضحكه !! قالت لهم ليه تضحكون
قالت غاده ولا شي هم أصـلا مالفين قصه حب بيني وبين بدر بس مافيه بينـا شي !
]
جا هالخبر زي الصاعقه على بسمـه وراحت دقت على أحمد ولد خالها وجا أخذها
وعقبها بكم يوم جت غـاده فرحااانه قالت بنات باركوا لي " أنــا انخطبت رسمي لبدر "
بسمـه من عقب هالخبر تركت الجامعه فتره وبعدها بفتره جت كروت لعرس " بدر و غـاده "
بسمـه أكيد ما راح تروح !!
بس ريم قالت لها انا لازم أروح لو ما رحنا كلنا بتشك اننا فينا شي وبتزعل مننا البنت
قالت لها بسمـه اوكي ! وخبريني باللي بيصير
وفي هالوقت كانت منيره اخت بسمه أردى منها حاله لأن أحمد خطيبهــا !!
وولد خالتها توفي بنوبه سكر ..
وفي يوم العرس كانت بسمـه جالسه في الصاله تفكر باللي قاعد يصير مع بدر وغاده
جتها منيره وقالت لها ليه ماراح تروحين ؟
قالت بسمـه : انهبلتي انتي اروح وش اسوي ؟ أصيح و أرجع ؟!!
قالت منيره احمدي ربك روحي وشوفيه ولو لمره ع الأقل انتي عندك امل تشوفينه
موب مثلي !! ( الميت ما يرجع ) .. !!
وموب صح اللي يحب شخص بيفرح له وشو ايش ماكان ؟
اقتنعت بسمـه بكلام منيره أختها
ودقت على ريم وقالت انا جاااايه الحين .. قالت ريم ما يمديك تشوفينه الحين هو داخل .. !
قالت بسـمه لا أنا على الطريق وبوصل الحين
ودخلت بسمـه وبالقصد منها دخلت فاتشه !! تبيه يشوفها بأي طريقه بـدر شاف بسمـه وبعد زواجه بشهر من غـاده طلقهـا وتزوج بسمـه !!
( حسيت بهالمقطع طارت صواريخ بس معليش حاولوا تصدقون )
طبعـا ً الأغنية معروفه " لمحمد عبده " من كلمات الشاعر " الاسير فايق عبدالجليل "

.. " المعــازيم " ..

.. * اممم مدري أحس القصه نصبه بقوة !!
وصراحه سمعت أكثر من قصة لهالأغنيـه بس القصه هذي أكثر وحده عجبتني وقلت بحطها
.. * ترى الأسمـاء ما جبتها من عندي عشان ما تقولون وش هالمعوقه
منيرة وبسمه :.. * بالله ماودكم تروحون لمصــر ؟
.. 2 ..



.. * مـلاحظين انتوا وشلون الأســلوب .؟
يقالي فصحى وفاهمـه وفجـأة أقلبهـا عاامي بس عادي هذي الموضـه :evil:


.. مســاحة لكم أنتمـ ..

* اذا عندكم أغاني لها قصص حطوها

* أغنيه تـأثر فيك اذا سمعتها